能夠游走喺現實與夢想之間，成功如魚得水，的確不容易，須要相當嘅堅持。對於香港業餘管弦樂團團長阿 Moon 來講，呢份堅持，絕對可以喺佢身上體現。

Moon So 蘇潔明，現職為一級註冊放射師，當年求考大學時原來已被音樂系取錄，但因遵從父旨而放棄並轉攻修讀醫療學科。畢業後從事醫院工作，卻對自己喜歡嘅音樂念念不忘。於是決定係工餘時間再次重返校園，到中大修讀音樂。

不忙迷失交響夢嘅 Moon 隨畢業後成為音樂人，但因要喺現實同生活上取得一個平衡點，所以繼續從事醫療工作同時亦繼續堅持演奏管弦音樂，陸續喺工餘後參與音樂演出，期間不約而同認識同自己理念一樣喺朋友一齊演出，亦因此萌生組織業餘樂團嘅念頭。

成立業餘管弦樂團嘅契機，可以講係喺 Moon 2007 年喺屋邨文娛中心，玩音樂認識嘅朋友開始，隨著一齊不同嘅演出，默默發展成為香港業餘管弦樂團HKAO，由最初只有幾十人，到2008年為四川賑災籌款音樂會，有大量樂手加入，走過了香港大小舞台，慢慢成為業餘界樂團嘅代表。

HKAO樂團成員目前約有40人，正職大部分為私人樂器老師，亦包括其他行業如醫護人員、紀律部隊、 文職、 學生等等。大家因為喜歡管弦音樂而走埋一齊，每星期抽工餘時間去排練，非常享受一齊喺舞台表演。大家因為希望自己喜歡嘅音樂可以回饋社會，所以多年來積極參與慈善音樂表演，同時更致力推廣管弦音樂。

與豎琴結緣，Moon 直言喺音樂路途上遇上好多知音人，特別喺樂團認識嘅 Maggie。 Moon 嘅第一個豎琴都喺 Maggie 引薦購入。佢哋雖然性格相似、外表一樣溫婉如淑， 但內心卻非常剛烈執著地喜歡不同嘅樂器。幾年來，無間斷喺各大小音樂會、商場、婚宴晚會等表演，彼此間慢慢地建立一定嘅默契;

佢哋希望可以令喜歡音樂嘅朋友們相信，只要順著自己喜歡嘅事而走，一定可以踏上自己嘅人生舞台, 所謂「不能成為仙氣豎琴女神也可似變成美麗的豎琴淑女」。

by 大石頭

 

10月 Moon 將會連同 Maggie 演出首個豎琴音樂會

【《LADY HARP豎琴淑女》音樂會】

Tracks included: Canon in D, You Raise Me Up, A Thousand Years, Colors of the Wind, Beauty and the Beast, All I Ask for You, 千與千尋, etc.

Date：7th October, 2018（Sun）
Venue：Hong Kong City Hall
Time：8:00pm
Special Discount Offer for your ticket purchase @ ETICKETS.HK：
https://etickets.hk/en/project/hkao/ladyharp/