能够游走喺现实与梦想之间，成功如鱼得水，的确不容易，须要相当嘅坚持。对於香港业馀管弦乐团团长阿 Moon 来讲，呢份坚持，绝对可以喺佢身上体现。

Moon So 苏洁明，现职为一级注册放射师，当年求考大学时原来已被音乐系取录，但因遵从父旨而放弃并转攻修读医疗学科。毕业後从事医院工作，却对自己喜欢嘅音乐念念不忘。於是决定系工馀时间再次重返校园，到中大修读音乐。

不忙迷失交响梦嘅 Moon 随毕业後成为音乐人，但因要喺现实同生活上取得一个平衡点，所以继续从事医疗工作同时亦继续坚持演奏管弦音乐，陆续喺工馀後参与音乐演出，期间不约而同认识同自己理念一样喺朋友一齐演出，亦因此萌生组织业馀乐团嘅念头。

成立业馀管弦乐团嘅契机，可以讲系喺 Moon 2007 年喺屋邨文娱中心，玩音乐认识嘅朋友开始，随着一齐不同嘅演出，默默发展成为香港业馀管弦乐团HKAO，由最初只有几十人，到2008年为四川赈灾筹款音乐会，有大量乐手加入，走过了香港大小舞台，慢慢成为业馀界乐团嘅代表。

HKAO乐团成员目前约有40人，正职大部分为私人乐器老师，亦包括其他行业如医护人员丶纪律部队丶 文职丶 学生等等。大家因为喜欢管弦音乐而走埋一齐，每星期抽工馀时间去排练，非常享受一齐喺舞台表演。大家因为希望自己喜欢嘅音乐可以回馈社会，所以多年来积极参与慈善音乐表演，同时更致力推广管弦音乐。

与竖琴结缘，Moon 直言喺音乐路途上遇上好多知音人，特别喺乐团认识嘅 Maggie。 Moon 嘅第一个竖琴都喺 Maggie 引荐购入。佢哋虽然性格相似丶外表一样温婉如淑， 但内心却非常刚烈执着地喜欢不同嘅乐器。几年来，无间断喺各大小音乐会丶商场丶婚宴晚会等表演，彼此间慢慢地建立一定嘅默契;

佢哋希望可以令喜欢音乐嘅朋友们相信，只要顺着自己喜欢嘅事而走，一定可以踏上自己嘅人生舞台, 所谓「不能成为仙气竖琴女神也可似变成美丽的竖琴淑女」。

by 大石头

 

10月 Moon 将会连同 Maggie 演出首个竖琴音乐会

【《LADY HARP竖琴淑女》音乐会】

香港业馀管弦乐团首个竖琴音乐会， 由香港业馀管弦乐团团长苏洁明Moon So及首席竖琴手梁诗玲Maggie Leung以双竖琴配合长笛丶小提琴及大提琴等管弦乐器演奏一系列优美乐曲。曲目包括: Canon in D, You Raise Me Up, A Thousand Years, Colors of the Wind, Beauty and the Beast, All I Ask for You, 千与千寻等等。

日期：2018年10月7日（星期日）
地点：香港大会堂演奏厅
时间：晚上 8:00pm
於 ETICKETS.HK 购票，有特别折扣优惠：
https://etickets.hk/sc/project/hkao/ladyharp/