劲揪体 - 信念:自劲揪体众筹达标後,多媒体设计师 KIT MAN 及其助理团队花了两年零三个月,完成制作第一版本六千字符嘅劲揪体。劲揪体除了是一个标题字款,更加系一种信念;於改变不了大环境嘅颓势之下,就算失望,不能绝望,坚守信念;於自己岗位上做好可做之事!只要七百万人都有此信念,香港必定会更劲揪!
展览内容
现场会有一个可供真/伪文青打咭丶有几百粒字嘅《原稿展区》,亦有一个睇得又玩得嘅互动投影《文字瀑布》;
重有一个可以比大家疯狂购物嘅《废青包养区》(精品区),大家可以购买一系列嘅劲揪体产品包括贴得又玩得嘅海报,可以袋嘢又孭得嘅文字 TOTEBAG,出外旅游必不可少嘅香港人 HONGKONGER 刺绣襟章⋯⋯
另外有得到 HK Brewcraft 大掌柜 Warren Yu 加持制作嘅劲揪别注啤酒,展览更邀请到成衣界巨子 TOPIX 嘅 Jack Lo 喺发布会当晚过来同大家即时拣图案整手刮 TEE;制作一系列劲揪别注产品,目的系展示予用家可以如何使用劲揪体,让大家将劲揪体及其精神带入生活之中。
卖字
一个最常见嘅问题,系只字点卖。 劲揪体亦会跟网上嘅字体卖法去发售,分开唔同嘅使用方式去卖出唔同嘅使用权。 使用权将会以一次性收费永久卖断方式售出。售价将会於官方网页上公布。 分别有以下不同之商用授权:
- 一般商用授权,包括印刷品丶社交网络丶产品制作
- 网页制作授权
- 手机程式制作授权
创作人 KIT MAN 之感言
「劲揪体嘅旅程,出发至今,四年了,大家还好吗???回想一下,佢同大家一齐热血沸腾过,同香港人一齐跌过喊过,同香港足球一齐嗌过,同长跑好手一齐跑过,同本土乐队一齐 ROCK 过,同唔同品牌合作过,同各位一齐过过新年送出过好多有骨气有种嘅祝福⋯⋯ 2016 年,大家比机会佢去做一个纪录 6000 粒正体字嘅创举⋯⋯ 两年嘅制作时间已经过去,6000 字嘅劲揪体只差最後修正就可以正式面世,两年以嚟,真的太感激各位嘅支持同信任,重有唔同嘅团体同朋友嘅帮助,劲揪体先可以坚持到今日,呢个唔系终站,而系一个新开始 XD ⋯」
劲揪体蚊型展及发布会
发布会日期: 2018 年 11 月 30 日(五)
发布时间: 下午6时 - 晚上10时
展览日期: 2018 年 12 月 1 - 12 日(五)
展览时间: 中午12时 - 晚上10时
地点: HOW / 香港观塘巧明街99号巧明工厂大厦3楼AB座
门票:免费入场